Radio brodkaster patay sa ambush
MANILA, Philippines — Isang radio broadcaster ang nasawi nang pagbabarilin ng hindi pa nakilalang nag-iisang suspek sa naganap na ambush, kahapon ng umaga sa Dumaguete City, Negros Oriental.
Ang biktimang nasawi ay kinilalang si Dindo Generoso, radio brodkaster sa DYEM 96.7 BI Radio.
Sa ulat, bago nangyari ang pananambang sa biktima, alas-7:30 ng umaga sa kahabaan ng Hibbard Avenue, Brgy. Piapi ay kasalukuyang minamaneho nito ang kanyang kotse nang biglang sumulpot ang gunman at pagbabarilin ito.
Papasok sana sa kanyang trabaho para sa kanyang programa sa radio station DyEM 96.7 Bai Radio nang mangyari ang krimen.
Kinondena naman ng Malacañang ang panibagong atake sa hanay ng media at sinabi ni Presidential Spokesman Salvador Panelo na iniutos na mismo ni Pangulong Rodrigo Duterte ang imbestigasyon sa pagpaslang kay Generoso na block-timer sa radio station DyEM Bai Radio sa Dumaguete City.
- Latest
