3 Chinese dinakip sa kidnapping

MANILA, Philippines — Dinakip ng mga otoridad ang tatlong Chinese  na pinaniniwalaang dumukot sa kanilang kapwa Chinese sa isang police operation sa Sta. Ana, Maynila.

Ang mga suspek ay kinilalang sina Qui Xia Lin; Lu Wen Wen; at Sun Hoa Tian na itinuturong mga suspek sa pagdukot sa biktimang si Li Jun na nakatakas at hu­mingi ng saklolo sa mga pulis.

Matatandaan na naaresto rin ang walong  Chinese at isang Filipino na miyembro ng loan shark syndicate matapos na tangkaing dukutin ang isang lalaki sa Ninoy Aquino International Airport.

Simula nang manungkulan si Pangulong Rodrigo Duterte noong 2016 ay dumagsa ang mga Chinese tourist at workers sa bansa kaya’t nagkaroon ng pagdududa na maraming Chinese ang ilegal na nagtatrabaho sa online ga­ming.