Robredo pwedeng ilagay sa PDEA at DDB – Sotto

MANILA, Philippines — Kung seryoso talaga si Pangulong Rodrigo Duterte sa hamon nito kay Vice President Leni Robredo na pamunuan ang giyera kontra droga ng pamahalaan ay maaaring ilagay ito sa Dangerous Drug Board (DDB) at Philippine Drug Enforcement Agency (PDEA).

Ito ang sinabi kahapon  ni Senate President Vicente “Tito” Sotto III na tinutulan naman ni Senator Ronald Dela Rosa na bitawan ng Pangulo ang kampanya laban sa ilegal na droga dahil posibleng matulad sa Mexico ang Pilipinas.

Ipinahiwatig din ni Dela Rosa na walang karanasan si Robredo sa paglabam sa ilegal na droga.

Naniniwala naman si Senator Sherwin Gatchalian na nais ipunto ng Pangulo na dapat magtuluy-tuloy ang kampanya laban sa illegal drugs at isa itong kumplikadong isyu.

Ipinunto naman ni Sen. Aquilino “Koko” Pimentel na ang Pangulo ang chief executive o nagpapatupad ng batas at hindi niya maaring ipasa ang nasabing trabaho sa hindi niya “alter egos.”

Hindi kasama si Robredo sa mga miyembro ng Gabinete matapos hindi bigyan ng posisyon ni Duterte.