Pulis tepok sa puno ng akasya
MANILA, Philippines — Isang aktibong miyembro ng pulisya ang nasawi makaraang aksidenteng sumalpok ang sinasakyan nitong motorsiklo sa isang malaking puno ng akasya sa highway ng Brgy. Poblacion, Calintaan, Occidental Mindoro, kamakalawa ng hapon.
Ang nasawing biktima ay kinilalang si P/Staff Sergeant Ronald Hilario Ani, nasa hustong gulang, may-asawa, PNP member, nakatalaga sa Mamburao Municipal Police Station at residente ng Brgy. Ligaya, Sablayan ng lalawigang ito.
Sa ulat, bago nangyari ang aksidente, alas-2:30 ng hapon sa Sitio Taluto, Brgy. Poblacion, Calintaan, Occidental Mindoro ay kasalukuyang binabagtas ng biktima na minamaneho ang kaniyang Honda motorcycle at pagsapit sa pakurbang daan ay nawalan ito ng kontrol at tuluy-tuloy na sumalpok sa puno ng akasya na nasa tabi ng highway.
Tumilapon ang biktima na nagtamo ng matinding sugat sa ulo at iba pang bahagi ng katawan na siyang naging sanhi ng agaran nitong kamatayan.
- Latest