Quezon City encounter: 4 holdaper todas
MANILA, Philippines — Dead-on-the-spot ang apat na holdaper nang makipagbarilin sa mga pulis sa Payatas Road, Quezon City, kahapon ng madaling-araw.
Walang nakuha ang mga otoridad na anumang pagkakakilanlan sa apat na suspek.
Bago nangyari ang engkuwentro, dakong alas-2:30 ng madaling araw ay nakatanggap ng sumbong ang Batasan Police Station na hinoldap ng apat na lalaki ang isang gasolinahan at isang convenience store sa Payatas Road.
Agad na naglatag ng hot pursuit at dragnet operation ang mga otoridad at naispatan ng mga nagpapatrulyang pulis ng QCPD station 6 ang apat, base sa paglalarawan na ibinigay sa kanila ng gasoline boy.
Pinara ito ng otoridad at sa halip na huminto ay pinaharurot ang takbo ng kanilang mga motorsiklo at pinaputukan ang mga una.
Nakorner ng mga otoridad ang mga suspek at sa halip na sumuko ay nanlaban pa ang mga ito na nagresulta ng kanilang kamatayan.
Narekober sa mga suspek ang ninakaw na P12,000 cash at tatlong cellphone, apat na baril, mga bala at dalawang motorsiklo.
- Latest