Ex-cop inutas ng riding in tandem
MANILA, Philippines — Namatay habang nilalapatan ng lunas sa ospital ang isang retiradong pulis nang pagbabarilin ng riding-in-tandem gunmen sa naganap na pananambang sa highway ng Brgy. Tomana West, Rosales, Pangasinan kahapon ng madaling araw.
Ang biktima na nasawi dahil sa mga tama ng bala sa iba’t ibang bahagi ng katawan ay kinilalang si Danilo Macaraeg, 51, may-asawa, residente ng Brgy. Salvacion, Sto. Tomas, Pangasinan.
Sa ulat, bago nangyari ang pananambang dakong alas-2:10 ng madaling araw sa nasabing lugar ay minamaneho ng biktima ang kanyang motorsiklo patungo sa silangang direksyon nang sumulpot ang isang motorsiklo lulan ang mga suspek at walang kaabog-abog na pagbabarilin ang biktima.
Mabilis namang tumakas ang mga suspek nang matiyak na napuruhan ang biktima.
- Latest