DILG pagpapaliwanagin ang mga mayor na bagsak sa clearing ops
MANILA, Philippines — Isang “show-cause order” ang ilalabas ng pamunuan ng Department of Interior and Local Government (DILG) laban sa mga alkaldeng bagsak sa clearing operation na iniutos ng Pangulong Rodrigo Duterte.
Sinabi ni DILG Spokesman, Usec. Jonathan Malaya, nasa mesa na ni Sec. Eduardo Año ang classification at rating na ibinigay nila sa mga mayor kaya ano mang araw mula ngayon ay malalaman na ng publiko kung sinu-sino ang binigyan ng bagsak na grado.
Ani Malaya, maglalabas sila ng ‘memoranda’ laban sa mga local officials na hindi nakatupad sa 60-day clearing operation.
Una nang pinuri ng DILG ang Marikina City dahil sila ang unang nakakumpleto at nakasunod para bawiin ang mga pam-publikong kalsada.
Ayon sa DILG, sa Metro Manila, hindi pa 100 porsiyento ng mga LGUs ang nakapaglinis ng mga pangunahing kalsada.
- Latest