12 ninja cops ‘kinahon’ sa Crame
MANILA, Philippines — Upang maihanda ang 12 ninja cops sa isasagawang muling imbestigasyon sa pagrerebisa ng kaso ng mga ito ng tanggapan ng Department of Justice (DOJ) at Department of Interior and Local Government (DILG) ay isinailalim na ang mga ito sa kustodya ng Police Holding and Acconting Unit (PHAU) sa Camp Crame.
Ayon kay PNP Spokesman P/Brig. Gen. Bernard Banac, na lahat ng mga sangkot sa Pampanga drug raid maliban kay Police Colonel Rodney Baloyo na isinasangkot sa drug recycling ng ilegal na droga na nakakulong sa Bureau of Corrections (BUCOR).
“Ang lahat ng nataguriang ninja cops ay napapailalim ngayon sa ating Personnel and Holding Accounting Unit dito sa National Headquarters ng Crame,” ani Banac.
Ayon kay Banac ang nasabing mga ninja cops ay ipinatawag sa PNP sa Camp Crame upang matiyak na maihaharap ito sa imbestigasyon.
Si Baloyo ay ipina-contempt ng Senado dahilan sa hindi umano pagsasabi ng katotohanan sa isyu ng drug raid.
Si Baloyo at 12 pang pulis ay nasangkot sa anti-drug operation noong 2013 sa Pampanga kung saan ang nasabing mga ninja cops ay pinatakas umano ang drug lord na si Johnson Lee kapalit ng P50-M habang sa 200 kilo ng droga na nakumpiska ng mga ito ay 38 kilo lamang ang idineklara.
Nadismis sa puwesto ang mga tiwaling parak pero ang kaparusahan para sa mga ito sa halip na mapatalsik sa serbisyo ay ginawa lamang demonsyon sa ranggo matapos na magsumite ng Motion for Reconsideration noong Marso 14, 2016.
- Latest