3 SHS student na sakay ng motorsiklo, sumalpok sa puno
MANILA, Philippines — Namatay ang isang estudyante habang ang dalawa nitong kaklase ay nasa kritikal na kalagayan nang sumalpok sa puno ang sinasakyan nilang motorsiklo sa kahabaan ng Silang Road, Silang, Cavite, kamakalawa ng gabi.
Ang nasawi ay kinilalang si John Rey Erci, 20, Senior High Student ng Tagaytay City Science National High School, ng Brgy. Ulat, Silang, Cavite.
Inoobserbahan sa ospital ang dalawa nitong kaklase na sina Gerald Tamundong, 17, ng Brgy. Puting Kahoy, Silang at John Michael Paulino, 19, ng Brgy. Iruhin Central Tagaytay City, Cavite.
Sa ulat, alas-8:30 ng gabi ay mabilis na minamaneho ni Erci ang motorsiklo at sakay sina Tamundong at Paulino nang ito umano ay nag-overtake.
Hindi na nakontrol ni Erci ang motorsiklo kaya tuluy-tuloy itong sumalpok sa isang malaking puno na nasa gilid ng kalsada.
- Latest