Preso lumaklak ng asido

Hindi nadalhan ng pagkain ng misis...

MANILA, Philippines — Dahil hindi umano nadalhan ng pagkain ng misis ay lumaklak ang bilanggo ng asido sa kanyang selda naganap kamakalawa sa Bambang, Nueva Vizcaya.

Ang biktima na kasalukuyang nakaratay sa ospital ay nakilalang si Jake Santos, 21, ng Barangay Homestead, Bambang, Nueva Vizcaya na nakulong dahil sa kasong droga at illegal na pagdadala ng baril.

Sa ulat ng pulisya, dakong alas-9:15 ng gabi ay nabigo umanong dalhin ng misis ang hapunan ng biktima na ikinasama umano nito ng loob.

Pumasok ito sa banyo ng selda na kung saan nakita sa lapag ang muriatic acid at itinungga.

Naisugod sa pagamutan ang biktima na sa kasalukuyang nagpapa­galing.