2 patay, 30 sugatan sa Manila City Jail riot
MANILA, Philippines — Dalawang preso ang nasawi habang mahigit 30 ang nasugatan nang sumiklab ang riot ng magkalabang grupo ng Batang City Jail (BCJ) at Sigue-sigue Sputnik Gang sa loob ng Manila City Jail, sa Sta. Cruz, Maynila, kahapon ng umaga.
Ang mga nasawi habang dinadala sa ospital ay kinilalang sina Lito Escala, 39, residente ng no. 1321 Alinyan St., Moriones, Tondo at Alvin Royo, 37, ng no. 1165 Panganiban St., Sta. Mesa, Maynila. Habang ang mga nasugatan ay ginagamot sa MCJ Infirmary Clinic.
Sa ulat, dakong alas-6:28 ng umaga nang magsimula ang riot ng magkalabang gang sa loob ng Dormitory 11 at 12, kung saan nakapiit ang mga bilanggong kaanib ng iba’t ibang grupo.
Nag-ugat ang riot nang magtalo sa higaan ang dalawang inmate na magkaiba ang grupo sa loob ng selda.
Wala naman umanong ginamit na armas o patalim, kundi suntukan at paluan lamang ang riot na nagtagal lang ng mahigit 10 minuto.
- Latest
