Pamilya, 4 minasaker
MANILA, Philippines — Patay ang apat na miyembro ng isang pamilya matapos silang pagsasaksakin sa loob ng kanilang bahay sa Purok 1, Sitio Gapas Gapas, Barangay San Pedro, Cantilan, Surigao del Sur, kahapon ng madaling araw.
Kinilala ang mga biktima na sina Rogelio Ravelo Jr., 35, isang overseas Filipino worker; misis nitong si Alfonsita, 39, isang guro; at dalawa nilang anak na sina RJ, 9 at CJ, 3.
Nasa kustodiya na nila ang suspek na nakakatandang kapatid ni Alfonsita na si Alex Rosales. Sa pagtatanong ng mga pulis sa kapitbahay ng pamilya ay pinag-aawayan ni Alfonsita at ang nakakatandang kapatid nito ang lupa.
Kaya’t hinala ni P/Capt. Ferdinand Tabares, hepe ng Cantilan Police Station, alitan sa lupa ang isa sa tinitingnan nilang anggulo sa pagpatay sa pamilya.
- Latest
