Vendors ng second hand books at trophy sa Recto Avenue, winalis
MANILA, Philippines — Hindi nakaligtas sa patuloy na clearing operations ng lungsod ng Maynila ang mga nagbebenta ng segunda manong libro at maging ang mga tropeo sa kahabaan ng Morayta at CM Recto, sa Sampaloc.
Ilang vendor ang umalma sa paglilinis sa pagsasabing matagal na silang nagtitinda ng libro sa bangketa na napapakinabangan naman ng marami at nagbabayad sila ng P20.00 kada araw para sa upa sa bangketa.
Paliwanag ng Manila DPS, matagal nang nag-abiso ang Manila LGU na lilinisin ang lahat ng mga bangketa sa lungsod, bilang pagtalima sa 60-day deadline ng DILG na dapat tanggalin ang lahat ng uri ng obstructions.
Pinaalis na rin ang mga nagtitinda ng mga tropeyo at plake, mga nag-aalok ng notaryo at gumagawa ng mga ID lace.
- Latest