3 sasakyan, bahay inararo ng bus: 1 tigok

MANILA, Philippines — Isa ang nasawi habang 22 naman ang ­sugatan matapos araruhin ng isang pampasaherong bus ang tatlong sasakyan at isang bahay sa Brgy. Angeles, Atimonan, Quezon, kamakalawa ng hapon.

Matinding pinsala sa ulo at katawan ang ikinasawi ng driver ng truck na si Ireneo Abayon, 58 ng Davao City samantalang ginagamot sa Doña Martha Memorial District Hospital at Nuestra Senora delos Angeles General Hospital ang mga pasahero ng AMV ­EL­AVIL Tours Phil. Trans na minamaneho ng suspek na si Aldin Madera ng Camarines Norte at ang mga driver ng tricycle at motorsiklo.

Batay sa imbestigasyon ng pulisya, bandang alas-4:40 ng hapon ay binabagtas ng Bicol bound bus ni Madera ang highway at nag-overtake ito at nasagi ang tricycle ni Manuel Latonero su­balit nabulaga at tuluyang nabangga ang kasalubong na trailer truck ng nasa­wing si Abayon.

Kasunod nito ay inararo pa ng bus ang trak hanggang sa gilid ng highway at nahagip din ang motorsiklo ni Darwin Bobares saka tulu­yang binangga ang bahay ni Bryan Lundag.