Tatlong gusali ng eskwelahan, nasunog
MANILA, Philippines — Sa isang iglap lang ay naging abo ang tatlong gusali ng isang mababang paaralan nang lamunin ng apoy sa naganap na sunog sa Barangay Kakidduguen, Kasibu, Nueva Viscaya, kamakalawa ng gabi.
Sa ulat, dakong alas-5:10 ng hapon nang masunog ang tatlong gusali ng Kakidduguen Elementary School sa Sitio Panuypoy habang nakaligtas ang opisina ng principal at classroom ng kindergarten na nasa hiwalay na gusali. Patuloy pang inaalam ang dahilan ng sunog at saan ito nagsimula.
Pansamantalang hindi muna papasok ang mga bata mula Lunes hanggang Miyerkules habang inihahanda nila ang mga pansamantalang silid aralan tulad ng gym at hall ng barangay.
Ang Barangay Kakidduguen ay dalawang oras ang layo sa town proper ng Kasibu kung saan mahirap ang malubak na daan at wala rin umanong signal para sa anumang communication devices kung kaya’t hindi agad nakapagresponde ang mga kinauukulan.
- Latest