Tricycle, motor sinalpok ng SUV... Karambola: 3 todas

MANILA, Philippines — Namatay ang tatlong katao na sakay ng isang tricycle at motorsiklo matapos na sila ay salpukin ng isang sports utility vehicle kamakalawa ng gabi sa highway ng Barangay Macabiso, Sultan Mastura, Maguindanao.

Ang mga biktima na idineklarang dead-on-arrival sa ospital ay kinila­lang sina Daud Asnan, 30; Abdillah Ali 60, kapwa residente ng Barangay Gang, Sultan Kudarat Maguindanao at ang sundalo na si Staff Sergeant Arlan Orete na nagmamaneho ng motorsiklo.

Sa ulat ng pulisya, dakong alas-9:40 ng gabi ay binabagtas ng tricycle at motorsiklo ang nasabing lugar nang mawalan umano ng kontrol sa manibela ang driver ng Montero na si Minandang Sendad at nasalpok ang mga biktima.