9 terorista napatay sa Maguindanao encounter
MANILA, Philippines — Siyam na miyembro ng Bangsamoro Islamic Freedom Fighters (BIFF) ang napapatay na sa patuloy na pakikibakbakan ng mga ito sa tropa ng militar sa Maguindanao.
Sa ulat ni Major John Arvin Encinas, Spokesman ng AFP Western Mindanao Command, ang siyam na napaslang ay simula Hulyo 25 hanggang kamakalawa sa inilunsad na pinaigting na opensiba laban sa BIFF sa ilalim ng paksyon ni Abu Torayfe .
Kabilang sa mga napatay na BIFF ay sina Abdul Mosaiden, Mohammad Satar, Hamid Ekal, Maula Samad, Esmail Kagui Malang, Muner Akbal, Musanep Kabelan, isang tinukoy sa alyas na Alimudin at isang hindi pa natukoy ang pangalan.
Magugunita noong Hulyo 25 sa isinagawang combat operation ng tropa ng militar laban sa BIFF sa Brgy. Dasawao, Shariff Saydona Mustapha kung saan ay napaslang si P/Sergeant Ahmad Mahmood.
- Latest