Van nahulog sa bangin: 1 patay, 5 Chinese malubha
MANILA, Philippines — Nasawi ang isang Pinoy na driver ng van habang limang pasahero nito na Chinese national ang malubhang nasugatan matapos mahulog ang minamanehong van sa Bokod, Benguet.
Idineklarang dead on arrival sa ospital ang biktimang si Jonathan Carnaje, driver ng van (AKA 6085) habang nasugatan naman ang mga turistang Chinese na sina Cheng Wei, 29; Yan Kaihua, 29,; Tao Wei, 28; Ji Zilin, 25 at Zhu Yazhou, 32.
Sa ulat, Sabado ng gabi nang mangyari ang insidente matapos mahulog ang SUV na sinasakyan ng mga biktima sa isang bangin na may lalim na 400 meters pagsapit sa bahagi ng Daclan sa nasabing bayan.
Galing ang mga biktima sa Mt. Pulag at patungo na sana sa Baguio City nang biglang nawalan sa kontrol ng manibela ang driver na naging dahilan para bumulusok ang kanilang sinasakyan sa bangin.
- Latest