Duterte nagsagawa ng aerial inspection sa Batanes

MANILA, Philippines — Upang alamin ang pinsala sanhi ng 5.9 na lindol noong Sabado sa Itbayat, Batanes ay nagsagawa kahapon ng aerial inspection si Pangulong Rodrigo Duterte kasama si Batanes Gov. Marilou Cayco at Sen. Bong Go.

Pinangunahan din ni Pangulong Duterte ang command conference matapos ang aerial inspection kasama ang mga kalihim ng iba’t ibang agencies upang matiyak ang tulong sa mga biktima ng lindol at magkakaloob ng P40 milyong pondo.

Magugunita na walong katao ang nasawi habang 63 ang nasugatan sa kambal na pagyanig ng lindol.

Pinagbawalan muna ng Philvocs ang mga residente ng Itbayat na huwag munang bumalik sa kanilang mga ta­hanan para sa kanilang kaligtasan dahil sa 200 after shocks ang naitatala.