5 holdaper ng Metrobank, tukoy na
MANILA, Philippines — Kilala na ng mga otoridad ang limang suspek na nangholdap sa Metrobank-Sto. Cristo branch noong nakaraang linggo.
Ang mga suspek ay kinilalang sina Marlon ‘Ailon’ Parojinog, na siya umanong tumatayong lider ng grupo; Noli Bonifacio Casuela; Gilcar Dumagan Mofan; Frederex Secretario; at alyas Pilay; at Batang Calunod.
Nagtataka si Manila Mayor Isko Moreno sa patuloy na pagtanggi ng Metrobank na makipag-cooperate sa mga pulis sa pagbibigay ng halagang nakulimbat ng mga suspek gayung naka-insured naman ito sa PDIC.
Ayon naman kay MPD Director Brig. Gen.Vicente Danao na sa ginagawa ng pamunuan ng Metrobank ay tumitibay na inside job ang naganap at positibong kinilala rin ng mga witness sa loob at labas ng bangko ang mga suspek na ang isa ay nakuhaan pa na may hawak na pera.
Idinagdag pa ni Danao na konektado si Ailon Parojinog sa mga Parojinog ng Ozamis City na sangkot din sa robbery at Rey Parojinog na sangkot sa illegal na droga.
- Latest