Quezon City fire: 60 pamilya nawalan ng tahanan
MANILA, Philippines — Nasa 60 pamilya ang nawalan ng tahanan matapos lamunin ng nangangalit na apoy ang kanilang mga bahay sa naganap na sunog sa Barangay Balingasa, Quezon City, kahapon ng umaga.
Ayon QC Bureau of Fire Protection (BFP), dakong alas-8:30 ng umaga nang sumiklab ang sunog mula sa isang 2nd storey apartment sa No.986-A, sa naturang lugar
Karamihan sa mga bahay na nasunog ay gawa sa light materials kaya mabilis na kumalat ang apoy at natupok ang nasa 25 bahay.
Umabot sa ikatlong alarma ang sunog at nagtagal ng mahigit isang oras bago ito tuluyang naapula ng mga kagawad ng pamatay sunog.
Isang kagawad ng fire volunteer ang nasugatan sa sunog na nagtamo ng 2nd degree burn sa kamay na kinilalang si Jeremiah Villar, ng Caloocan City.
Sa inisyal na imbestigasyon ni FCI Sherwin Pinafiel, lumilitaw na ‘faulty electrical wiring’ ang pinagmulan ng apoy.
- Latest
