Drug dealer dedo sa buy-bust
MANILA, Philippines — Isang 52-anyos na mister na umano ay isang drug dealer ang nasawi nang ito umano ay manlaban sa mga otoridad sa isang drug buy bust operation kamakalawa ng hapon sa Brgy. 8, Cavite City, Cavite.
Ang napatay na suspek ay kinilalang si Lorenzo Aldas @ Jun, ng Sitio Pulo 3,Brgy. 8, Cavite City.
Sa ulat, bago naganap ang shootout dakong ala-1:15 ng hapon ay ikinasa ng Cavite City PNP Drug Enforcement Team at PDEA ang isang drug buy operation laban sa suspek na ilang araw na isinailalim sa surveillance.
Nakatunog ang suspek na pulis ang kanyang ka-deal kaya agad niya itong itinulak at pinaputukan na masuwerteng hindi tinamaan.
Gumanti ng putok ang mga kasamahang pulis at napatay ang suspek na kung saan narekober ang drug money at hindi pa mabilang na gramo ng shabu.
- Latest