Tiyo dinedo ng pamangkin
MANILA, Philippines — Isang 54-anyos na lalaki ang nasawi matapos na siya ay saksakin ng ice pick ng kanyang 17-anyos na pamangkin kamakalawa ng hapon sa Brgy Molino 3, Bacoor City, Cavite.
Ang nasawi ay kinilalang si Fernando Villan, may-asawa driver at residente ng Nazareth Compound Brgy. Molino 3 ng lungsod.
Sumuko naman sa mga opisyal ng barangay ang suspek na itinago sa pangalang Jericho.
Sa ulat, bago nangyari ang krimen bandang alas-5:30 ng hapon sa loob ng kanilang bahay ay kinakausap ng biktima ang kanyang pamangkin hinggil sa problemang kinakaharap ng kanilang pamilya.
Nang pabalang na sumagot ang suspek na ikinagalit ng tiyuhin at nauwi sa mainitang pagtatalo hanggang sa kumuha ng ice pick ang una at inundayan ng saksak ang huli sa sikmura.
Mabilis na dinala ito sa ospital, subalit namatay din ito sa daan.
- Latest
