Magtatay sinalpok ng pickup, anak patay
MANILA, Philippines — Sinalpok ng isang pickup ang isang mag-ama habang sakay ng motorsiklo na kung saan ay nasawi ang anak nitong dalagita naganap kamakalawa sa Brgy. Lulutan, Ilagan City, Isabela.
Ang mag-amang biktima ay nakilalang sina Severino Zalun, 45; at anak nitong si Shariemae, 15 na namatay habang nilalapatan ng lunas sa ospital dahil sa grabeng natamong pinsala sa katawan.
Ang suspek na nasa kustodiya ng pulisya ay nakilalang si Cesar Villanueva, 58, ng Brgy. Malasin.
Sa ulat, dakong alas-2:00 ng hapon ay minamaneho ni Severino ang kanyang motorsiklo at angkas si Shariemae para ihatid ito sa paaralan nang salpukin sila ng Mitsubishi Estrada pickup ni Villanueva.
Halos sampung metro nakaladkad ang mag-ama bago tumigil ang pickup.
- Latest