300 miyembro ng Seventh Day, nalason
MANILA, Philippines — Nalason ang nasa 300 miyembro ng Seventh Day Adventist na karamihan ay mga kabataan sa inihandang pagkain sa youth convention sa lalawigan ng Bukidnon.
Sa report ng Office of Civil Defense (OCD) Northern Mindanao, ang mga biktima ay bigla na lamang dumanas ng matinding sakit ng ulo, pagsusuka, pagkahilo, gininaw at gayundin ng diarrhea matapos na kumain ng inihandang pagkain sa youth convention sa Brgy. Impalutaw, kung saan sinimulang isugod sa pagamutan ang mga biktima nitong Mayo 15 ng gabi hanggang kamakalawa.
Sa 169 na pasyente, napalabas na ang 45 habang naka-confine at under observation pa ang 114 sa mga ito.
Inaalam pa ang sanhi ng food poisoning ng mga biktima habang nag-inspeksyon na rin ang mga kinatawan ng Department of Health sa lugar.
- Latest