Mag-asawa tupok sa sunog

MANILA, Philippines — Kapwa patay ang mag-asawang Nicasio Orcullo, 62 at misis nitong si Proserfina, 57 nang makulong sa nasusunog nilang bahay kahapon ng madaling araw sa Brgy. Carreta, Cebu City. Sa ulat, nagsimula ang sunog sa Sitio Ponce 2, Brgy. Carreta dakong alas- 4:18 ng madaling araw sa bahay ng maglive-in partner na sina Edna Basiliote at Jason Herciso na mabilis na kumalat na tumupok sa 50 kabahayan kasama ang bahay ng mag-asawa na karamihan ay gawa sa mahihinang uri ng materyales.