Grace Poe, inendorso nina Sotto at Bro. Mike

MANILA, Philippines — Nagpasalamat si Senadora Grace Poe sa kambal na pag-endorsong nakuha niya kay Senate President Vicente “Tito” Sotto III at kay El Shaddai leader Bro. Mariano “Mike” Velarde.

“Kung may isang tao akong kilalang hindi ako pababayaan, ‘yan ay si Se­nate President Sotto,” sabi ni Poe sa isang pahayag.

“Ang kanyang pag-endorso ay nagpapasigla sa atin upang higit na magsikap at magtrabaho para sa ating mga kababayan,” dagdag ni Poe na tumatakbong independiyente.

Nagpasalamat din si Poe na napabilang siya sa 14 na inendorsong kandidato ng Catholic charisma­tic movement na El Shaddai na may tinatayang anim na milyong bloke ng botante.