3 magkakapatid sa Taguig, tiklo sa droga
MANILA, Philippines — Nadakip ng mga otoridad ang anim na katao kabilang ang tatlong magkakapatid ng umano ay kaanak ng mga pulitiko sa isang drug buy bust operation sa Taguig City, noong Lunes.
Kinilala ang mga suspek na sina Arjuna Cruz, 39; Andrew Victor Arcega. 37; Mark Lester Magbalana at magkakapatid na sina Jerwin, 39; Jorge, 41; at Epitacio Mendiola Jr., 48; pawang residente ng No.8 Gen. Natividad St., Palingon-Tipas, Taguig City na kung saan ay nasamsam sa kanila ang 11 sachet ng shabu na nagkakahalaga ng P20,400.
Batay sa ulat, dakong ala-8:05 ng gabi nang magsagawa ng buy-bust operation ang pulisya laban sa magkakapatid na Mendiola sa kanilang bahay.
Ang magkakapatid ay hinihinalang kaanak ng mga pulitiko dahil sa iisang barangay lang ang mga ito nakatira.
Ang mga suspek ay nakakulong na at sinampahan ng kaukulang kaso.
- Latest
