16 nasawi, 14 missing sa lindol
MANILA, Philippines — Inihayag ni National Disaster Risk Reduction and Management Council (NDRRMC) Executive Director Ricardo Jalad nasa 16 na ang naitalang patay sa mga lugar na grabeng nasapul ng lindol na karamihan ay sa lalawigan ng Pampanga habang 14 pa ang nawawala sa pagtama ng magnitude 6.1 lindol sa ilang bahagi ng Luzon.
Sa kabuuang 16 nasawi, lima rito ay mula sa gumuhong Chuzon Supermarket sa Porac, pito mula sa iba pang mga barangay sa nasabing bayan, dalawa sa Lubao, isa sa Angeles City at isa sa San Marcelino, Zambales na si Waren Serano, 6-anyos na nabagsakan ng malaking tipak na bato.
Umanbot naman sa 29 istraktura at gusali ang nagtamo ng pinsala bunga ng pagyanig ng lindol.
Sa pahayag ng Human Resource Office ng Chuzon Supermarket ay 92 empleyado nila ang nasa loob pero may mga nakalabas at ang ikatlo saka ikaapat na palapag ay tirahan ng mga empleyado, storage room ang ikalawang palapag habang supermarket naman ang ground floor.
Kaugnay nito, nagtaas na sa blue alert status ng NDRRMC at nag-isyu ng memorandum na inaatasan ang Regional Disaster Risk Reduction and Management Council (NDRRMC) na magtaas ng alerto at imonitor ang mga kaganapan sa kanilang lugar na naapektuhan ng lindol.
- Latest