32 tigok sa pagkalunod
MANILA, Philippines — Umabot sa 32 katao ang naitalang nasawi dahil sa pagkalunod sa loob lamang ng dalawang linggo sa panahon ng bakasyon sa iba’t-ibang bahagi ng bansa, ayon sa Philippine National Police (PNP) kahapon.
Dahil dito, muli namang pinaalalahanan ni PNP Spokesman Police Colonel Bernard Banac ang publiko na isagawa ang kaukulang pag-iingat sa paglangoy sa swimming pool, dagat, ilog at maging sa mga talon.
Ayon kay Banac, mula Abril 5 hanggang Abril 19 ng taong ito ay nasa 32 katao na ang nalunod kabilang ang ilang mga bata at ang dalawang kaso ng pagkalunod sa Calapan City at Pinamalayan; pawang sa lalawigan ng Oriental Mindoro na naitala nitong Biyernes Santo.
“We encourage the public to be careful while on beach and swimming pool. If you plan to swim on a beach, you have to make sure that you are in the company of people who know how to swim,” pahayag ni Banac.
Pinaalalahanan din ni Banac ang mga magulang na bantayang mabuti ang kanilang mga anak habang nagsu-swimming.
- Latest