Presyo ang ibaba, hindi ang martial law-Roxas

MANILA, Philippines — “Ibaba ang presyo ng mga bilihin at huwag ang martial law”.

Ito ang naging payo ni senatorial candidate at economist Mar Roxas kay Pangulong Duterte dahil sa maraming problema ang bansa mula sa walang tigil na oil price hike, peace and order, talamak na droga, smuggling at korapsiyon kaya ito ang mas dapat tutukan ng Pangulo sa halip na ang pagsuspinde sa writ of habeas corpus.

“Alam mo napakara­ming problema ang hinaharap ng pangkaraniwang Pilipino.  Dito lamang sa aking pag-ikot, sinasabi ng mga nagtitinda, matumal.  Walang pera ang mga tao.

Sa mga mamimili naman, namamahalan sila. So talagang yun ang squeeze na nararamdaman ng mga tao. Yan ang mga totoong problema na dapat tutukan,” sabi pa ni Roxas habang nag-iikot sa palengke ng Blumentritt.

Ayon pa kay Roxas na hindi produktibong pag-usapan ang martial law o kahit pa revolutionary government dahil sa panahon na mas kailangan ng solusyon at hindi ang rebolusyon.