Narco cop tiklo sa buy-bust
MANILA, Philippines — Nasakote ng PNP-Counter Intelligence Task Force at iba pang unit ng pulisya ang isang parak na umano ay sangkot sa pagbebenta ng droga sa isinagawang drug buy-bust operation kahapon ng umaga sa East Rembo, Makati City.
Kinilala ang nasakoteng suspect na si Police Staff Sergeant (PO3) Chris Mateos Marquez, kasapi ng Regional Police Security and Protection Unit ng Police Regional Office (PRO) IV A.
Bandang alas-10:20 ng umaga nang masakote ng mga elemento ng PNP-CITF, PNP- Intelligence Group (PNP-IG) at Special Drug Enforcement Unit ng Makati City Police si PO3 Marquez sa East Rembo ng lungsod matapos itong magbenta ng isang sachet ng shabu na nagkakahalaga ng P5,000 sa isang poseur buyer ng PNP-CITF.
Nakumpiska rin sa suspect ang apat na sachet ng shabu na nagkakahalaga ng P30,000.00.
Isinilbi rin ang search warrant na inisyu ni Judge Elmo Alameda, Executive Judge ng Regional Trial Court (RTC) Branch 150 ng Makati City laban sa suspect kaugnay ng kasong illegal possession of firearms.
Nasamsam sa operasyon ang isang UPP pistol 9 mm na may magazine, 1 glock 17 na may serial number PNP 3025 na may magazine, 43 bala ng 9 mm, dalawang airgun rifles, tatlong sachet ng shabu, isang digital weighing scale, at mga drugs paraphernalia.
Si PO3 Marquez ay kapatid umano ni Brgy. Kagawad Ed Marquez, na kumakandidatong konsehal sa lungsod. Lordeth Bonilla
- Latest
