Joy B muling umangat sa QC mayoralty race
MANILA, Philippines — Kapwa muling nailampaso ni QC mayoralty bet na si Vice Mayor Joy Belmonte ang katunggali nito sa puwesto na si QC 1st District Rep. Vincent Crisologo at Ismael “Chuck” Mathay Jr.
Makaraang makakuha si Belmonte ng 75 percent votes na malaking lamang kay Crisologo na nakakuha lamang 24 percent votes habang si Mathay ay 1 percent.
Ang survey ay kumakatawa sa 3,500 voters ng National Capital Region na isinagawa ng RP-Mission and Development Foundation Inc. (RPMD Inc) nitong March 1-10, 2019.
Una nang nagsagawa ng survey ang RPMD Inc noong February 1 hanggang 10 mula sa 2,500 respondents na tinanong kung sino ang nais na mamumo sa lungsod at nananatiling si Belmonte ang top choice ng taumbayan na mamuno sa QC nang makakuha ng 72 percent na boto, 18 percent si Crisologo at 3 percent si Mathay.
Sa mga natanong, nagsabi na mas gusto nila ang mas batang lingkod bayan na may sapat na kakayahan at galing sa pamamahala sa lokalidad na tulad ni Belmonte.
“I’m very thankful to God and to our constituents for this positive response. We have a long way to go, but I am confident that my call for better governance and inclusive development will be heard loud and clear,” pahayag ni Belmonte.
- Latest
