22-anyos todas sa 14-anyos
Ipinagtanggol si nanay...
MANILA, Philippines — Hindi na umabot ng buhay sa ospital ang isang 22-anyos na si Reconiel Cruz, lineman nang ito ay barilin ng shotgun ng isang 14-anyos na sinapak nito dahil sa pagtatanggol sa kanyang ina naganap kamakalawa ng gabi sa Tondo, Maynila.
Isa sa tatlong suspek na nadakip ay kinilalang si Elaine Ambrosio Zamora,19, ng 380 Pilapil St., Tondo. Habang pinaghahanap ang bumaril sa biktima na si alyas Macmac, 14 at Johnren Aguilar Pineda,18 ng San Sebastian St., Tondo, Maynila.
Batay sa ulat, bago nangyari ang krimen dakong alas-10:30 ng gabi sa panulukan ng Osmeña at Pacheco St., ay nakita ng ina ng biktima na nakikipagrambulan ang mga suspek sa isang grupo.
Inawat ng ina ng biktima ang mga suspek at kalabang grupo na nagrarambulan dahilan para ito ay matumba.
Nalaman ng biktima ang nangyari sa nanay kaya sumugod sa lugar at sinapak umano si Macmac na hindi nakaganti.
Ilang sandali ay sumulpot si Macmac na angkas sa motorsiklo na minamaneho ni Pineda at nilapitan nito ang biktima at binoga ng shotgun ng ilang beses.
Nang bumagsak ang biktima ay dumating si Zamora na nagmamaneho ng itim na Yamaha Mio at tinulungan si Macmac na tumakas.
Hinabol naman ng ilang concerned citizen at naabutan si Zamora at naaresto.
- Latest