Trak vs Van: 2 todas, 2 kritikal
MANILA, Philippines — Idineklarang dead on arrival sa ospital sina Rolando Cepede, 57, may-asawa, ng Blk. 2, Lot 7, Console Village; at Krizzele Pantaleon, 20, ng Blk.10, Lot 3, Hoteliers Village, Bayanan, kapwa sa Bacoor City, habang kritikal umano ang lagay nina Rison Lloren, 19 at isa na nakilalang si Jane matapos na salpukin ng trak ang kanilang sinasakyang van kahapon ng madaling araw sa kahabaan ng Aguinaldo Hi-way Brgy. Lalaan 1 Silang, Cavite.
Naaresto ang driver ng trak na si Daniel Benitez, 52, ng Bonifacio Toledo St., Ligtong 4, Rosario, Cavite.
Sa ulat ng pulisya, sakay ang mga biktima ng van na may plakang TGZ-999 na minamaneho ng nasawing si Cepeda dakong alas-4:10 ng madaling araw nang ito ay magmaniobra para magpakarga ng gas.
Subalit, bigla itong nag-alangan kung kaya’t bumalik sa linya nang hindi mapansin ang pagdating ng delivery trak na minamaneho ni Benitez at nasalpok ito.
Sa lakas nang pagkakasalpok ay halos tumaob ang van na ikinaipit ng mga biktima na natagalan bago nailabas kaya’t hindi na ito umabot ng buhay sa ospital.
- Latest
