Joy Belmonte tututukan ang paglaban sa karahasan kontra kababaihan

MANILA, Philippines — Sa pamamagitan nang paglalagay ng maraming CCTV sa lungsod ay matututukan ang mga karahasan sa kababaihan.

Ito ang nais ni QC Vice Mayor Joy Belmonte na isa sa mga hakbang ng lokal na pamahalaan laban sa karahasan sa mga kababaihan.

Anya, dapat bawat sulok ay may CCTV camera dahil may malaking tulong ito para labanan ang kriminalidad at maingatan ang kapakanan ng mga kababaihan.

Tiniyak din ni Belmonte na mas pagagandahin pa ang serbisyo ng kasalukuyang emergency hotline ng QC na 122 dahil isa itong epektiong paraan upang rumesponde sa mga emergency cases katulad ng mga karanasan niya sa Davao City.

Binanggit pa ni Belmonte na ang anti-catcalling ordinance sa lungsod ay humihikayat sa mga kababaihan na magsumbong sa kinauukulan sakaling makaranas ng pamababastos at kahalintulad na insidente sa Quezon City.