Senado iimbestigahan ang water shortage

MANILA, Philippines — Nakatakdang magsagawa ng imbestigasyon ang Senate committee on public services na pinamumunuan ni Senator Grace Poe tungkol sa nangyayaring water shortage sa Metro Manila at iba pang mga probinsiya sa bansa.

Ang pagdinig ay gagawin sa Marso 19 sa mismong Session hall ng Senado sa ganap na alas-10 ng umaga.

Pabor din si Senate President Vicente “Tito” Sotto III sa gagawing imbestigasyon upang malaman kung bakit hindi kaagad nakita ang nakaambang problema sa tubig.

Ayon naman kay Poe, hindi normal ang nangyayari at hindi ito dapat maranasan ng mga mamamayan at mga magsasaka.

Ipapatawad sa pagdinig ang mga kinauukulang ahensiyang gobyerno, mga pinuno ng mga water concessionaires, regulators at iba pang stakeholders para pag-usapan ang problema at kung papaano ito masosolusyunan.