Tax increase sa QC, sinuspinde
MANILA, Philippines — Upang mabigyan ng pagkakataon ang bagong administrasyon na mapag-aralan kaugnay ng tax rates at real property valuation base sa 2016 approved schedule ng “fair market value” ay pansamantala munang sinuspinde ng Quezon City government ang implementasyon ng tax increase.
Layunin ng Quezon City Government na huwag munang ipatupad ang increase upang hindi maging dagdag na pasakit sa mga residente dahil na rin sa pagtaas ng iba’t ibang pangunahing bilihin sa bansa.
Bagamat maaaring magtaas ang bagong Fair Market Value (FMV), ang mga property owners ay kinakailangan lamang magbayad ng mula 39 hanggang 85 percent dahil ibinaba ng lungsod ang tax assessment levels ng mula 18% ay ginawang 5% na lamang para sa residential at mula 25% ay ginawang 14% na lamang para sa commercial.
Nagbigay pa ng sample computation ang lokal na pamahalaan ng Quezon City na, “1996 SFMV: 100 sqm x 1,500= 150,000 x18%= 27,000 x 2.5%= Php 675 annual tax” habang sa “2016 approved SFMV: 100 sqm x 8,000= 800,000 x 5%= 40,000x 2.4%= Php 1,000” o diperensiya na Php 325.00.
Ang FMV ay aprubadong schedule ng ‘unit base market values’ para sa iba’t ibang uri ng real property, maliban ang mga makinarya, na inihahanda ng local assessors bilang basehan sa pag-kompyut ng Real Property tax (RPT) gamit ang Philippines Valuation Standard at Mass Appraisal Guidebook na inisyu ng Department of Finance (DOF) na maaaring ipatupad ng mga lalawigan at mga lungsod sa ilalim ng Local Government Code.
- Latest