Pulis, traffic enforcer itinumba
MANILA, Philippines — Kapwa nasawi ang isang pulis at isang traffic enforcer nang sila ay pagbabarilin sa magkahiwalay na krimen sa North Cotabato at Kidapawan.
Ang pulis na idineklarang dead on arrival ay kinilalang si P/Corporal Reshemer Langurayan Dolano, 32, may-asawa, nakatalaga sa intelligence division at residente ng Brgy.Kilala,Carmen, North Cotabato.
Sa ulat, alas-7:15 ng umaga habang sakay sa kanyang kulay asul na multicab at pabalik na sa kanilang himpilan, matapos na magsagawa ng monitoring sa kalsada ng Barangay Manarapan at Aroman hinggil sa napaulat na carnapping incident nang sundan ng riding in tandem suspek at pinagbabaril.
Patay din ang 31-anyos na si Jeffrey Atu, miyembro ng Traffic Management Unit nang barilin sa ulo ng hindi pa kilalang suspek habang nagmamando ng trapiko sa kanto ng Ninoy Aquino Road at National Highway, Kidapawan kahapon ng alas-9:45 ng umaga.
- Latest
