4 bata nalunod sa fishpond sa Bulacan
MANILA, Philippines — Hindi na umabot ng buhay sa ospital ang apat na bata matapos na sila ay malunod sa fishpond habang naliligo kamakalawa ng hapon sa Brgy.Palapala, San Ildefonso, Bulacan.
Ang mga nasawi ay kinilalang sina Mika Rivera, 12; Marjoy Yola,11; Mark Rivera, 10 at Brix Jonathan, 8.
Bago nangyari ang insidente dakong ala-1:00 ng hapon sa Sitio Sulukan, Brgy. Pala-pala, San Ildefonso, Bulacan ay nagkatuwang maligo sa fishpond na pag-aari ng negosyanteng si Arvin Villacorta ang limang bata at napagawi umano sa malalim na bahagi ng fishpond ang isa sa kanila.
Tinangkang sagipin ng apat na kasama, subalit apat sa mga ito ang nalunod habang ang isang nakaligtas ang siyang nagreport ng insidente sa mga nakatatanda sa lugar.
Ang katawan ng mga bata ay narekober ng search and rescue team matapos na magkakasunod na lumutang ang katawan sa fishpond sa lugar.
- Latest
