Pamilya ni Janet Napoles binasahan ng sakdal sa pork barrel scam

MANILA, Philippines — Hindi nagpasok ng “not guilty plea” ang dalawang anak ni pork barrel scam queen Janet Lim-Napoles na sina Jo Christine at James Christopher nang ito ay basahan ng sakdal ng Sandiganbayan sa mga kaso ng katiwalian.

Sa halip ay si Associate Justice Bernelito Fernandez ang nagpasok ng ‘not guilty plea’ sa mga anak ni Napoles gayundin sa mga kapatid nito na sina Reynald at Ronald Francisco.

Nahaharap ang mga ito sa 97 na bilang ng kasong graft at 97 din na bilang ng kasong ‘malversation of public funds’ kaugnay sa pagda-divert ng P900-million Malampaya fund sa mga bogus na NGOs ni Napoles.

Tumanggi rin na magpasok ng ‘not guilty plea’ ang bank manager na si Winnie Villanueva.