Mag-asawang nakamotor todas sa pick-up

Nakabundol ng asong tumatawid...

MANILA, Philippines — Isang mag-asawa ang hindi na umabot ng buhay sa ospital nang mabangga ng isang pick-up truck matapos na mabundol nila ang asong tumatawid, kamakalawa ng gabi sa highway ng Brgy. Lapting, San Juan, Ilocos Sur.

Kinilala ang mag-asawang nasawi na sina Abel Andallo, 28 at Jane, 28.

Batay sa ulat, dakong alas-8:00 ng gabi ay minamaneho ni Abel ang motorsiklo angkas si Jane at binabagtas ang nasabing highway nang biglang tumawid ang isang aso at kanilang nabangga dahilan para sila ay mawalan ng kontrol sa manibela at napunta sa kabilang kalsada na siya namang pagdating ng isang Mitsubishi Strada pick-up na minamaneho ni Jennifer Navarro, 38 kaya’t nabundol ang mag-asawa.

Nasa kustodiya na ng pulisya si Navarro at inihahanda na ang kaso laban sa kanya.