Taas presyo uli sa petrolyo

MANILA, Philippines — Nakaamba na naman ang panibagong pagtaas sa presyo ng mga produktong petrolyo ngayong darating na linggo.

Abiso ito kahapon ng Unioil Petroleum Phi­lippines, na inaasahang  tumaas ng  P0.50  hanggang  P0.60 kada litro ang presyo ng diesel at  nasa P0.40 hanggang  P0.50 ang kada litro naman ng gasolina.

Nabatid na tuwing araw ng Martes, ipinatutupad ng local oil companies ang paggalaw ng presyo ng kanilang produktong  petrolyo.

Ayon sa latest data ng Department of ­Energy (DOE), na ang prices range ng diesel ay nasa P39.74 hanggang P44.84 ang kada litro samantalang ang gasolina ay nasa P46.74 hanggang P55.46.