5 todas sa gun attack
MANILA, Philippines — Limang katao ang nasawi sa magkahiwalay na pamamaril sa lalawigan ng Quezon, Batangas Rizal at Negros Occidental kamakalawa.
Ang mga nasawi ay kinilalang sina Ferdinand Zurbano; Nomer del Mundo; Ricardo Basco; Teodoro Añez, 44; at Pablito Benaz, 67.
Sa ulat, binaril at napatay ng hindi pa kilalang gunman si Zurbano habang nakikipag-inuman sa kanyang mga kaibigan sa Barangay Magallanes, Lopez, Quezon.
Pinasok naman ang bahay nina Del Mundo at Basco na matatagpuan sa Brgy. Luntal, Tuy, Batangas at walang kaabog-abog na sila ay pinagbabaril na kung saan ay nasugatan din ang isang Severina Basco na dinala sa Apacible Memorial District Hospital.
Sa lalawigan ng Rizal, ay nakikipag-inuman si Añez, sa isang babae sa isang restoran sa Brgy.Inarawan, Antipolo nang pagbabarilin ng tatlong lalaki na bumaba sa kanilang tricycle.Isa sa suspek ay ang asawa ng biktima na si Wineza Añez.
Pinagbabaril din at napatay si Benaz, 67 na isang negosyante sa loob ng isang KTV sa Brgy.Tuyom, Cauayan, Negros Occidental. Inaalam pa ang motibo nang pamamaril sa biktima.
Samantala sa lalawigan ng Bulacan, ay napatay ang suspek na si Joel Baladia nang ito ay makipagbarilan sa mga pulis sa isang drug buy bust operation sa Brgy.Longos, Meycauayan City. Nasamsam kay Baladia ang isang 38 kalibre baril;13 sachets ng shabu; at marked money.
- Latest