Senado inaprubahan na ang Murang Kuryente bill
MANILA, Philippines — Apruba sa ikatlo at huling pagbasa sa Senado ang panukalang batas na magiging daan para magamit ang P207 bilyong Malampaya fund na pambayad sa contract cost at utang sa National Power Corporation (Napocor).
Kapag naging ganap na batas, ang panukala ay tatawaging Murang Kuryente Act na inaasahang magpapababa sa presyo ng kuryente.
Sinabi ni Senator Sherwin Gatchalian, maituturing na tagumpay sa panig ng mga power consumers ang pagpasa ng panukala dahil nagbabayad din sila sa utang ng Napocor sa pamamagitan ng universal charge para sa stranded debts at stranded contract cost na isinasama sa monthly electricity bill.
Idinagdag ni Gatchalian na sa sandaling bumaba ng electricity rates, ang isang household na gumagamit ng 200 kilowatt hours per month, ay makakatipid ng P189.48 kada buwan o P2,033.76 sa isang taon.
- Latest
