Narco cop todas sa drug bust
MANILA, Philippines — Isang pulis na AWOL (Absent Without Official Leave) ang napatay matapos manlaban sa buy bust operation ng mga otoridad kahapon sa Brgy. San Vicente, Biñan City, Laguna.
Kinilala ang nasawing AWOL na parak na si PO1 Anthony Bautista, 38, ng Brgy.San Vicente, Biñan City ng lalawigan.
Sa ulat, bago nangyari ang shootout bandang alas-2:45 ng hapon ay nagsagawa ng buy bust operation ang mga otoridad laban sa suspek kaugnay ng napaulat na pagtutulak nito ng droga sa lugar.
Subalit sa halip na sumuko ay bumunot ng kanyang cal 38 revolver at nagpaputok sa arresting team.
Gumanti ng putok ang anti-drug operatives at napatay ang AWOL na pulis.
Narekober sa pinangyarihan ng shootout ang isang plastic sachet na naglalaman ng shabu, P2,000.00 cash, cal 38 revolver .
Ang suspek ay dating nakatalaga sa Biñan City Police at inilipat sa Pangil noong 2016 kaugnay ng umano’y pagkakasangkot sa recycling ng illegal na droga.
- Latest
