2 Chinese trader todas sa p 1.9-b drug bust
MANILA, Philippines — Dead on the spot ang dalawang negosyanteng Chinese national matapos umanong manlaban sa isang drug buy bust operation kahapon sa Brgy. Amaya, Tanza, Cavite.
Ang mga napatay na suspek ay kinilalang sina Vincent Du Lim at Hon Li Wen, kapwa nasa hustong gulang, residente ng Brgy. Amaya 1 ng nasabing bayan.
Sa ulat ni Cavite Provincial Director William Segun, dakong alas-4:00 ng hapon nang isagawa ang drug buy bust operation laban sa dalawang Chinese na umano ay matagal nang sinusubaybayan ng PDEA-4A dahil sa natanggap na impormasyon na sangkot sa shabu drug trade.
Habang isinasagawa ang buy bust operation ay bigla na lamang nagkaroon ng putukan na ikinasawi ng dalawang suspek.
Narekober sa dalawang suspek ang nasa 274 kilo ng shabu na nagkakahalaga ng mahigit sa P1.9 bilyon.
- Latest
