Peaceful ang 9 na araw na Simbang Gabi sa Metro Manila

MANILA, Philippines — Mapayapa at ni wala ni isa mang krimen na naiulat sa loob ng siyam na araw na tradisyunal na Simbang Gabi sa Metro Manila kaugnay ng pagdiriwang ng Kapaskuhan.

Ito ang iniulat ni National Capital Region Police Office (NCRPO) Chief P/Director Guillermo Eleazar kay PNP Chief P/Director General Oscar Albayalde .

Una nang isinailalim ni Eleazar sa full alert status ang Metro Manila at inatasan ang limang District Directors na paigtingin ang seguridad sa bisinidad  ng mga simbahan at iba pang matataong lugar upang bigyang proteksyon laban sa mga magnanakaw at iba pang masasamang elemento ang mamamayan.

Ang Simbang Gabi ay tradisyunal na inoobserbahan ng mga debotong Katoliko sa tuwing sasapit ang kapaskuhan na nagsisimula ng Disyembre 16 ng madaling araw hanggang misa de Gallo sa bisperas ng kapaskuhan.