Pulis na magsisimbang gabi niratrat
MANILA, Philippines — Patay ang isang pulis na patungo sana sa Misa De Gallo makaraang tambangan ng mga hindi nakilalang gunman kahapon ng madaling araw sa Cebu City.
Sa ulat, pasado alas-4:00 ng madaling araw ay papasok na sana sa kaniyang sasakyan si PO2 Romeo Jumalon, 42, nakatalaga sa Regional Service Group ng Police Regional Office sa Central Visayas, residente ng Sitio Central, Barangay Pit-os ng naturang siyudad nang barilin siya ng mga lalaking sakay ng isang kotse.
Hindi naman natamaan ng bala ang asawa ni Jumalon na nasa loob ng sasakyan.Bago napunta sa Regional Service Group ay nakatalaga muna si Jumalon sa Regional Personnel Holding Administrative Office at sa Regional Police Anti-Illegal Drugs Office at on leave ng mangyari ang insidente.
Inaalam pa ng pulisya kung may kinalaman ang krimen sa trabaho ng biktima.
- Latest