2 konsehal sugatan sa ambush
MANILA, Philippines — Nasugatan ang dalawang municipal councilors makaraang paulanan ng bala sa naganap na ambush kamakalawa ng gabi sa San Narciso, Zambales.
Ang mga biktima ay kinilalang sina Subic Municipal Councilors Roberto Delgado, 50 at Elizaldy Rocafor, 47; pawang residente ng Brgy. Cawag at Baraca sa Subic ng lalawigan.
Sa ulat, bago nangyari ang insidente dakong alas-6:00 ng gabi sa kahabaan ng national highway sa Purok 1, Sitio Samat, Brgy.Siminublan, San Narciso, Zambales ay lulan ng kulay abong Toyota Fortuner ang dalawang konsehal at binabagtas ang lugar nang paulanan ng bala ng hindi pa nakilalang mga kalalakihan na sakay naman ng isang kulay pulang behikulo na walang plaka.
Sinabi ng mga nakasaksi na sinusundan ng mga suspek ang sasakyan ng mga biktima at pagsapit sa lugar ay nag-overtake ito at saka pinagbabaril ang mga target.
Kasalukuyan nang nasa mabuting kondisyon sa pagamutan ang dalawang biktima.
- Latest